ඒ.ඒ.ටී. ශ්‍රී ලංකා විභාගවලින් නිදහස්වීම

ඒ.ඒ.ටී. විභාගයේ යම් විෂයක් එම විභාගයට පෙනී සිටීම මඟින් හෝ ඒ.ඒ.ටී. පාලක මණ්ඩලය විසින් පිළිගත් වෙනත් අදාළ සුදුසුකම් මත නිදහස්වීමක් ලබාගැනීම මඟින් සම්පූර්ණ කළ හැකිය. (උදා: අ.පො.ස. උ.පෙළ, විශ්ව විද්‍යාල උපාධි ආදිය)

නිදහස්වීම යනු ඒ.ඒ.ටී. විභාගයේ දී අදාළ විෂයන්වල විභාගයට පෙනී නොසිට එම විෂයන්ට, ඊට පෙර සමත් වූ වෙනත් අනුමත විභාග ප්‍රථිඵල මත සාමාර්ථ ලබා ගැනීමේ ක්‍රියාවලියයි.

අදාළ සුදුසුකම් මත ඒ.ඒ.ටී. විභාගවල විෂයන්ගෙන් හෝ මට්ටම් වලින් නිදහස්වීම් ලබා ගැනීමට බලාපොරොත්තුවන සිසුන් ශිෂ්‍ය ලියාපදිංචියෙන් පසුව කඩිනමින් අදාළ නිදහස්වීම් ලබා ගැනීමට අයදුම් කළ යුතුය.

කෙසේ වෙතත්, ලියාපදිංචිය සම්පූර්ණ වීමත් සමඟ නිදහස් වීමට අයදුම් කිරීම සඳහා අදාළ සුදුසුකම් සම්පූර්ණ කර නොමැති සිසුන් පහත සඳහන් දිනයන්ට ප්‍රථම එම සුදුසුකම් සපුරාලීමෙන් පසු නිදහස්වීම් සඳහා අයදුම් කළ යුතුය.

විෂය නිදහස් කිරීමේ අයදුම්පත්‍රය - සිංහල

විෂය නිදහස් කිරීමේ අයදුම්පත්‍රය - ඉංග්‍රීසි

නිදහස් වීම් සඳහා අයදුම් කිරීමේ අවසන් දිනයන්

ජූලි විභාගය සඳහා - මාර්තු 31 ට පෙර
ජනවාරි විභාගය සඳහා - සැප්තැම්බර් 30 ට පෙර

නිදහස්වීම් සඳහා අදාළ අවසන් දිනයන්ට ප්‍රථම අයදුම් කරන විෂය නිදහස් වීම් ඊට අදාළ විභාගයේ ප්‍රථිඵල ලේඛනයට අන්තර්ගත වනු ඇත. ඒ අනුව, ඔබට විභාග සාමාර්ථයන් මෙන්ම නිදහස්වීම් ද අන්තර්ගත වූ, අදියර සම්පූර්ණ විභාග ප්‍රථිඵල ලේඛනයක් ලැබෙනු ඇත.

ඉහත සඳහන් නිදහස්වීමේ අවසාන දිනයන්ට පසුව ලබාගන්නා විෂය නිදහස්වීම්, අදාළ අදියරෙහි විභාග ප්‍රථිඵල ලේඛනයෙහි අන්තර්ගත කොට අදියර සම්පූර්ණ ප්‍රථිඵල ලේඛනයක් නිකුත් නොකෙරෙනු ඇත. විශේෂයෙන්ම ඔබ යම්කිසි ඒ.ඒ.ටී. විභාග විෂයකට / කිහිපයකට මෙම කාලසීමාවේදී අයදුම්කොට ඇත්නම්, ඉහත දිනයන් පසුවී අයදුම් කරන කිසිඳු නිදහස් වීමක් වැඩිදුර පරීක්ෂණ ක්‍රියාවලියකට භාජනය කිරීමට (Processing) හෝ අපගේ පරිගණක පද්ධතියට ඇතුළත් කිරීමට හෝ නොහැකි බව කරුණාවෙන් සලකන්න. එබැවින් ඉහත දැක්වූ අවසන් දිනයන් පිළිබඳව විශේෂයෙන් සැලකිළිමත් වන්න.

අදාළ නිදහස්වීම් ඒ.ඒ.ටී. අවසන් අදියර විභාගයට අයදුම් කිරීමට පෙර ලබාගත යුතුය.

නිදහස්වීම සඳහා අයදුම් කිරීම

නිදහස්වීම ලබා ගැනීම සඳහා අදාළ සුදුසුකම් සපුරන්නේ නම් නිදහස්වීමේ අයදුම්පත්‍රය සම්පූර්ණ කොට නියමිත ගාස්තු ගෙවා අදාළ සුදුසුකම්වල සහතික කළ පිටපත් සමඟ නියම කර ඇති අවසන් දිනයන්ට පෙර ඒ.ඒ.ටී. ආයතනය වෙත ලැබීමට සැලැස්විය යුතුය.

අදාල නිදහස් වීම් ලබා දීමෙන් පසු, නිදහස් වීමේ සහතික පත්‍රයක් ශිෂ්‍යයා වෙත යවනු ලැබේ.

නිදහස් කිරීමේ ගාස්තු ව්‍යුහය

නිදහස් කිරීමේ ගාස්තු (2023 නොවැම්බර් 1 සිට බලපැවැත්වේ)
විභාග අදියර	විස්තරය	ගාස්තුව (රු.)
අදියර 1	එක විෂයයක්	2,000/=
අදියර 11	එක විෂයයක්	2,500/=
අදියර 111	එක විෂයයක්	2,700/=
කුසලතා කැප්ස්ටෝනය	එක විෂයයක්	2,500/=

ගෙවීම් විකල්ප

ඔබට නිදහස් ගෙවීම් කිරීමට විකල්ප දෙකක් තිබේ.

විකල්ප 01: බැංකුවට (NSB හෝ HNB බැංකුවල ඕනෑම ශාඛාවක්)
NSB (A/C අංක 90_ _ _ 2301989)
හෝ
HNB (A/C අංක 039020327099)
සටහන : කරුණාකර ගෙවීම් යොමු අංකය සඳහා ඔබේ ඉලක්කම් 7 කින් යුත් ශිෂ්‍ය ලියාපදිංචි අංකය සමඟ උපසර්ග 33 ක් යොදන්න.
විකල්ප 02: AAT වෙබ් අඩවිය හරහා ඔන්ලයින් (https://aatsl.lk/index.php/en/online-payment)
ඔබට ක්‍රෙඩිට් කාඩ්පතක් භාවිතයෙන් අන්තර්ජාලය හරහා ගෙවීම් කළ හැක.
සටහන : කරුණාකර ගිණුම් හැඳුනුම්පත සඳහා ඔබේ ඉලක්කම් 7 ක ශිෂ්‍ය ලියාපදිංචි අංකය සමඟ උපසර්ග 33 ක් යොදන්න.

නිදහස් කිරීම් අයදුම් කිරීම සඳහා ඉදිරිපත් කළ යුතු දෑ,

නිවැරදිව සම්පූර්ණ කරන ලද නිදහස් කිරීම් අයදුම්පත
බැංකු ගෙවීම් වවුචරයේ තැන්පත්කරුගේ මුල් පිටපත
නිදහස්වීම් අයදුම් කිරීමට අයදුම් කිරීමට පදනම් කරගන්නා අධ්‍යාපන සහතිකවල සහතික කළ ඡායා පිටපත්
තම නම සහ ලිපිනය ලියන ලද තැපැල්පත (මුද්දර අලවා තිබිය යුතුය).

ඔබගේ නිදහස් කිරීමේ සහතිකය නැතිවුවහොත් හෝ අස්ථානගත වුවහොත්, රු. 100 ක් ගෙවා අනුපිටපතක් ලබාගත හැක. ඒ සඳහා ලිඛිත ඉල්ලීමක් කළ යුතුය.

නව විෂය නිර්දේශය යටතේ වන නිදහස්වීම් (2020 ජුලි විභාගයේ සිට ක්‍රියාත්මක වේ)

අදියර I - විෂය නිදහස්වීම්

(A) ලියාපදිංචි ශිෂ්‍යයෙකු අ.පො.ස (උ.පෙළ) විභාගයේදී (ශ්‍රී ලංකාවේ හෝ එක්සත් රාජධානියේ) පහත සඳහන් විෂයයන්ගෙන් සමත් වී තිබේනම්, ඊට අනුරූපී I අදියරෙහි පහත සඳහන් පරිදි විෂය නිදහස්වීම් සඳහා සුදුසුකම් ලබයි.

අ.පො.ස. (උ.පෙළ) විෂය	අදියර I හි නිදහස් විෂය
ගිණුම්කරණය	101 මූල්‍ය ගිණුම්කරණය (FAC)
සංයුක්ත ගණිතය / ශුද්ධ ගණිතය / ව්‍යවහාරික ගණිතය / ව්‍යාපාර සංඛ්‍යානය	102 ව්‍යාපාරික ගණිතය හා සංඛ්‍යානය (BMS)
ආර්ථික විද්‍යාව	103 ආර්ථික විද්‍යාව (ECN)
ව්‍යාපාර අධ්‍යයනය / වාණිජ්‍යය සහ මූල්‍යය	104 ව්‍යාපාරික පරිසරය(BEN)

(B) අන්තර්ජාතික පොත් තබන්නන්ගේ සංගමයේ (IAB) අවසන් විභාගය සමත්ව තිබේනම් ඒ.ඒ.ටී. අදියර I හි 101 මූල්ය ගිණුම්කරණය (FAC) විෂය සඳහා නිදහස්වීමක් ලබාගත හැකිය.

(C) ශ්‍රී ලංකා බැංකුකරුවන්ගේ ආයතනය (IBSL) බැංකු හා මූල්‍ය (CBF/IABF) විභාගයේ සහතික පත්‍ර අදියර නිම වූවන්ට පහත විෂයන් සඳහා නිදහස්වීම ලබාගත හැකිය.

IBSL විෂය	අදියර 1හි නිදහස් විෂය
ව්‍යාපාර ගිණුම්කරණය	101 මූල්‍ය ගිණුම්කරණය (FAC)
ව්‍යාපාරික ගණිතය හා සංඛ්‍යානය	102 ව්‍යාපාරික ගණිතය හා සංඛ්‍යානය (BMS)
ආර්ථික විද්‍යා මුලධර්ම	103 ආර්ථික විද්‍යාව (ECN)

අදියර I සම්පූර්ණයෙන් නිදහස්වීම

ජාතික ව්‍යාපාර කළමනාකරණ ආයතනය (NIBM) මගින් ලබාදෙනු ලබන ව්‍යාපාර කළමනාකරණය පිළිබඳ උසස් ඩිප්ලෝමාව (ABDM)

අදියර I සම්පූර්ණයෙන් නිදහස්වීම සහ අදියර II හි ව්‍යාපාර නීතිය (BLA) විෂය නිදහස්වීම

කළමනාකරණය අධ්‍යයන ඩිප්ලෝමාව/ශ්‍රී ලංකා විවෘත විශ්ව විද්‍යාලයේ කළමනාකරණ අධ්‍යයන පිළිබඳ උසස් ඩිප්ලෝමාව
රජයේ කාර්මික විද්‍යාල වල / උසස් තාක්ෂණික ආයතනවල, උසස් ජාතික ගණකාධිකරණ ඩිප්ලෝමාවේ (HNDA) / උසස් ජාතික වාණිජ ඩිප්ලෝමාවේ (HNDC) / උසස් ජාතික කළමනාකරණ ඩිප්ලෝමාවේ (HNDM) පළමු සහ දෙවන වසර විභාග සමත් වීම.
රජයේ කාර්මික විද්‍යාල/උසස් තාක්ෂණ ආයතන විසින් පවත්වනු ලබන HNDBA සම්පූර්ණ කිරීම.
විශ්ව විද්‍යාල ප්‍රතිපාදන කොමිෂන් සභාව පිළිගත් විශ්ව විද්‍යාලයක කළමනාකරණ හෝ වාණිජවේදී නොවන වෙනත් උපාධි සම්පූර්ණ කර තිබීම.

අදියර I සම්පූර්ණයෙන් නිදහස්වීම සහ අදියර II හි උසස් මූල්ය ගිණුම්කරණය සහ පිරිවැයකරණය (AFC) විෂය නිදහස්වීම.

එක්සත් රාජධානියේ වරලත් සහතිකලත් ගණකාධිකාරී ආයතනයේ (ACCA-UK) දැනුම් මොඩියුලය

අදියර I සම්පූර්ණයෙන් නිදහස්වීම සහ ව්‍යාපාර කළමනාකරණය (BMA) විෂය සහ ව්‍යාපාර නීතිය (BLA) විෂය නිදහස්වීම.

ජාතික ව්‍යාපාර කළමනාකරණ ආයතනය (NIBM) මගින් ලබාදෙනු ලබන ව්‍යාපාර කළමනාකරණය පිළිබඳ උසස් ජාතික ඩිප්ලෝමාව (HNDBM).

අදියර I සම්පූර්ණයෙන් නිදහස්වීම හා අදියර II හි ව්‍යාපාර නීතිය (BLA) විෂය සහ ඩිජිටල් පරිසරයේ තොරතුරු පද්ධති (ISD) විෂය නිදහස්වීම

ලංකා විශ්ව විද්‍යාල ප්‍රතිපාදන කොමිෂන් සභාව විසින් පිළිගන්නා කළමනාකරණ හා වාණිජ උපාධීන්හි පළමු හා දෙවන වසර සම්පූර්ණ කර තිබීම.

අදියර I සම්පූර්ණයෙන් නිදහස්වීම හා අදියර II හි ව්‍යාපාර නීතිය (BLA) විෂය සහ උසස් මූල්‍ය ගිණුම්කරණය සහ පිරිවැයකරණය (AFC) විෂය නිදහස්වීම

එක්සත් රාජධානියේ වරලත් කළමනාකරණ ගණකාධිකාරී ආයතනයේ (CIMA-UK) සහතික පත්‍ර අදියර සමත්වීම.
ශ්‍රී ලංකා සහතිකලත් කළමනාකරණ ගණකාධිකාරීවරුන්ගේ ආයතනයේ (CMASL) පදනම් අදියර සම්පූර්ණ කිරීම.

අදියර I සම්පූර්ණයෙන් නිදහස්වීම හා අදියර II හි උසස් මූල්‍ය ගිණුම්කරණය සහ පිරිවැයකරණය (AFC) සහ ව්‍යාපාර කළමනාකරණය (BMA) යන විෂය නිදහස්වීම

රජයේ කාර්මික විද්‍යාලවලින් පවත්වනු ලබන ගණක ශිල්පීන් සඳහා වූ ජාතික සහතිකය (NCAT).

අදියර II හි උසස් මූල්‍ය ගිණුම්කරණය සහ පිරිවැයකරණය (AFC) යන විෂය හැර අදියර I සහ II සම්පූර්ණයෙන් නිදහස්වීම

රජයේ කාර්මික විද්‍යාල / උසස් තාක්ෂණික ආයතන මගින් පවත්වනු ලබන HNDC/HNDM අවසන් විභාගය සමත්වීම.

අදියර II හි ඩිජිටල් පරිසරයේ තොරතුරු පද්ධති (ISD) යන විෂය හැර අදියර I සහ අදියර II සම්පූර්ණයෙන් නිදහස්වීම

ශ්‍රී ලංකා උසස් තාක්ෂණික අධ්‍යාපන ආයතනය විසින් පවත්වනු ලබන උසස් ජාතික ව්‍යාපාර මූල්‍ය ඩිප්ලෝමාව (HNDBF)

අදියර I සහ අදියර II සම්පූර්ණයෙන් නිදහස්වීම

ශ්‍රී ලංකා විශ්ව විද්‍යාල ප්‍රතිපාදන කොමිෂන් සභාව මගින් පිළිගත් විශ්ව විද්‍යාලයකින් පහත සඳහන් විෂයයන් ඇතුඵව උපාධියක් ලබා තිබීම
- ගිණුම්කරණය
- ව්‍යාපාරික ගණිතය හා සංඛ්‍යානය
- තොරතුරු කළමනාකරණය
- ආර්ථික විද්‍යාව සහ
- ව්‍යාපාර නීතිය
එක්සත් රාජධානියේ වරලත් කළමනාකරණ ගණකාධිකාරී ආයතනයේ (CIMA-UK) මෙහෙයුම් අදියරය සමත්වීම.
උසස් ජාතික ගණකාධිකරණ ඩිප්ලෝමාවේ (HNDA) තුන්වන වසරේ විභාගය සමත්වීම. (ප්‍රථම හා දෙවන වසරේ විභාග සම්පූර්ණ කර තිබීම අවශ්‍ය වේ).
කාර්මික අධ්‍යාපනය සහ පුහුණුව යටතේ කාර්මික විද්‍යාල විසින් පවත්වනු ලබන ජාතික ගණකාධිකරණ ඩිප්ලෝමාව (NDA)'

අදියරය I හා අදියර II සම්පූර්ණයෙන් නිදහස්වීම සහ අදියර III හි කළමනාකරණ ගිණුම්කරණය සහ මූල්‍ය (MAF) යන විෂය නිදහස්වීම

ලංකා සහතිකලත් කළමනාකරණ ගණකාධිකාරීවරුන්ගේ ආයතනයේ (CMASL) මෙහෙයුම් අදියර සමත්වීම.

ශ්‍රී ලංකා වරලත් ගණකාධිකාරී ආයතනයේ විභාග සඳහා ලැබෙන නිදහස් වීම්

(A) CA ශ්‍රී ලංකා ආයතනයේ ව්යාපාර අදියර I සහ II හි (2020-2025) (Business Level I & II) දැනුම් ආධාරකයෙහි (Knowledge Pillar) එක් එක් විෂය සාමාර්ථ ලබාගත් සිසුන්ට ලැබෙන නිදහස් වීම්.

සමත් විෂයයන් (ව්‍යාපාර අදියරය)	ඒ.ඒ.ටී. විභාගවලදී නිදහස් කරනු ලබන විෂයයන්
අදියර - 1
මූල්‍ය ගිණුම්කරණය	101 මූල්‍ය ගිණුම්කරණය (FAC) 201 උසස් මූල්‍ය ගිණුම්කරණය සහ පිරිවැයකරණය (AFC)
ව්‍යාපාරික ගණිතය හා සංඛ්‍යානය	102 ව්‍යාපාරික ගණිතය හා සංඛ්‍යානය (BMS)
ව්‍යාපාර නීතිය	203 ව්‍යාපාර නීතිය (BLA)
ව්‍යාපාර පරිසරය හා ආර්ථික විද්‍යාව	103 ආර්ථික විද්‍යාව (ECN)
ව්‍යාපාර පරිසරය හා ආර්ථික විද්‍යාව	104 ව්‍යාපාරික පරිසරය (BEN) 204 ව්‍යාපාර කළමනාකරණය (BMA)
අදියර - II
විගණනය, ව්‍යාපාර කි‍්‍රයාවලීන් හා ඩිජිටල්කරණය	303 මූල්‍ය පාලනය සහ විගණනය (FCA)
කළමණාකරණ ගිණුම්කරණය	302 කළමණාකරණ ගිණුම්කරණය සහ මූල්‍ය (MAF)
ඩිජිටල් ව්‍යාපාර උපාය	202 ඩිජිටල් පරිසරයේ තොරතුරු පද්ධති (ISD)
ව්‍යාපාර සන්නිවේදනය I	310 ව්‍යාපාර සන්නිවේදනය (BC)

(B) CA Sri Lanka ආයතනයේ ව්යාපාර අදියර I (Business Level I ) සහ කුසලතා ආධාරක (Skill Pillar) විෂය සමත් සිසුන් ඒ.ඒ.ටී. ශ්‍රී ලංකා ආයතනයේ අවසන් අදියර සමත් සිසුවෙකුවීම සඳහා පහත සඳහන් විෂයන් සමත් විය යුතුය

202 ඩිජිටල් පරිසරයේ තොරතුරු පද්ධති (ISD)
301 මූල්ය වාර්තාකරණය (FAR)
302 කළමනාකරණ ගිණුම්කරණය සහ මූල්‍ය (MAF)
303 මූල්‍ය පාලනයන් සහ විගණනය (FAC)
304 ව්යවස්ථාපිත සහ පුද්ගලික බදුකරණය (CPT)

(C) CA Sri Lanka ආයතනයේ ව්‍යාපාර අදියර I සහ II (Business Level I & II) සහ කුසලතා ආධාරකයකට (Skill Pillar) අයත් සියලුම විෂයයන් සමත් සිසුන් ඒ.ඒ.ටී. ශ්‍රී ලංකා ආයතනයේ අවසන් අදියර සමත් සිසුවෙකුවීම සඳහා පහත සඳහන් විෂයයන් සමත් විය යුතුය.

301 මූල්‍ය වාර්තාකරණය (FAR)
304 ව්‍යවස්ථාපිත සහ පුද්ගලික බදුකරණය (CPT)

(D) CA Sri Lanka ආයතනය (2015-2020) විධායක අදියර I සහ II (Executive Level I & II) සහ දැනුම ආධාරකයට (Knowledge Pillar) සියලුම විෂයයන් සමත් සිසුන් ඒ.ඒ.ටී. ශ්‍රී ලංකා ආයතනයේ අවසන් අදියර සමත් සිසුවෙකුවීම සඳහා පහත විෂයයන් සමත් විය යුතුය

CA Sri Lanka විධායක අදියරෙහි සමත් විෂයයන්	ඒ.ඒ.ටී. විභාගවලදී නිදහස් කරනු ලබන විෂයයන්
KE1 මූල්‍ය ගිණුම්කරණ මූලිකාංග සහ වාර්තාකරණය	101 මූල්‍ය ගිණුම්කරණය (FAC) 201 උසස් මූල්‍ය ගිණුම්කරණය සහ පිරිවැයකරණය (AFC)
KE 2 කළමණාකරණ ගිණුම්කරණ තොරතුරු	102 ව්‍යාපාරික ගණිතය හා සංඛ්‍යානය (BMS) 302 කළමණාකරණ ගිණුම්කරණය සහ මූල්‍ය (MAF)
KE 3 නීතියේ මූලිකාංග	203 ව්‍යාපාර නීතිය (BLA)
KE 4 කි‍්‍රයාවලීන්, සහතිකවීම් සහ ආචාරධර්ම	303 මූල්‍ය පාලනය විගණනය(FCA)
KE 5 කළමණාකරණය සහ වානිජ දර්ශනය	103 ආර්ථික සහ විද්‍යාව (ECN) 104 ව්‍යාපාරික පරිසරය (BEN) 204 ව්‍යාපාර කළමණාකරණය (BMA)

(E) CA Sri Lanka ආයතනයේ දැනුම් ආධාරකයට අයත් විධායක අදියර I සහ II (Executive Level I & II) සියලුම විෂයන් සමත් සිසුන් ඒ.ඒ.ටී. ශ්‍රී ලංකා ආයතනයේ අවසන් අදියර සමත් සිසුවෙකුවීම සඳහා පහත විෂයයන් සමත් විය යුතුය.

202 ඩිජිටල් පරිසරයේ තොරතුරු පද්ධති (ISD)
301 මූල්‍ය වාර්තාකරණය (FAR)
304 ව්‍යවස්ථාපිත සහ පුද්ගලික බදුකරණය (CPT)
310 ව්යාපාර සන්නිවේදනය (BC)

(F) CA Sri Lanka ආයතනයේ විධායක අදියර I සහ II හි (Executive Level I & II) දැනුම් සහ කුසලතා ආධාරකයට අයත් සියලුම විෂයයන් සමත් සිසුන් ඒ.ඒ.ටී. ශ්‍රී ලංකා ආයතනයේ අවසන් අදියර සමත් සිසුවෙකුවීම සඳහා පහත විෂයයන් දෙක සමත් විය යුතුය.

301 මූල්‍ය වාර්තාකරණය (FAR)
304 ව්‍යවස්ථාපිත සහ පුද්ගලික බදුකරණය (CPT)

සටහන - 1

ඒ.ඒ.ටී. ශ්‍රී ලංකා පාලක මණ්ඩලයට පිළිගත හැකි වෙනත් සුදුසුකම් එක් එක් අවස්ථාව අනුව තීරණය වේ.

සටහන - 2

වත්මන් විෂය නිර්දේශය යටතේ නිදහස් කිරීම් ලබා දීම සඳහා මීට පෙර හිමිකම් ලැබූ නිදහස් වීම් සංශෝධනය කර නොමැති නම්, එවකට පැවති නිදහස් කිරීම් නිසි පරිදි ලබා දෙනු ලැබේ.

ශිෂ්‍ය නිදහස් කිරීම්