පහත දැක්වෙන ක්‍රියාවලිය අනුගමනය කිරීමෙන් සිසුන්ට AAT ශ්‍රී ලංකා සමඟ ලියාපදිංචි විය හැකිය.

ශිෂ්‍ය අත්පොතක් ලබාගැනීම

ශිෂ්‍ය අත්පොත යනු AAT ශ්‍රී ලංකා ආයතනය පිළිබඳ විස්තර, AAT සුදුසුකම්, විභාග ව්‍යුහය, ලියාපදිංචි වන ආකාරය පිළිබඳ තොරතුරු, විෂය නිදහස් කිරීම් පිළිබඳ තොරතුරු සහ අධ්‍යාපන සේවා සපයන්නන් ඇතුළු අනෙකුත් ප්‍රධාන තොරතුරු ඇතුළත් සවිස්තරාත්මක අත්පොතකි. ශිෂ්‍ය ලියාපදිංචිය සහ විභාගවලින් නිදහස් කිරීම් සඳහා වන අයදුම්පත් එහි අඩංගු වේ. AAT වෙබ් අඩවිය භාවිතයෙන් (Online) තොරව  අයදුම් කරන සිසුන් ශිෂ්‍ය අත්පොත මිලදීගත යුතුය.

වෙබ් අඩවිය හරහා ශිෂ්‍ය ලියාපදිංචියට අයදුම් කරන්නේ නම් මෙතැන Click කරන්න

ඔබට ශිෂ්‍ය අත්පොත පහත පරිදි මිලදී ගත හැකිය:

• කාර්යාල වේලාවන් තුළ AAT ශ්‍රී ලංකාහි ශිෂ්‍ය සේවා මධ්‍යස්ථානය වෙත පැමිණ (උදේ 8.30 - ප.ව. 4.45 සහ සෙනසුරාදා පෙ.ව. 9.00 - ප.ව. 4.00) රු. 100/- ක් මුදලක් ගෙවා ලබා ගත හැක.

හෝ

• තැපෑලෙන් ලබා ගැනීම.

තැපැල් මගින් ලබාගන්නේ නම් 

පහත සඳහන් දෑ තැපැල් මගින් AAT ශ්‍රී ලංකා ආයතනය වෙත එවිය යුතුය.

• ශ්‍රී ලංකා ගණකාධිකරණ ශිල්පීය ආයතනය නමට රු. 240/ - ක මුදල් ඇණවුමක් නාරාහේන්පිට තැපැල් කාර්යාලෙයෙන් මාරැ කරගත හැකි පරිදි ගෙවා සහ අවශ්‍ය මාධ්‍ය (ඉංග්‍රීසි / සිංහල / දෙමළ) දැක්වෙන ලිපියක් ද සමග තම නම සහ ලිපිනය සහිත ලියුම් කවරයක් (12" x 10") සමඟ එවීම.

හෝ

• අනුමත අධ්‍යාපන මධ්‍යස්ථානවලින් (AECs, AAT විභාග සඳහා පන්ති පැවැත්වීමට අනුමත ලියාපදිංචි කළ අධ්‍යාපන ආයතන වේ.) ශිෂ්‍ය අත්පොත ලබා ගත හැක.

නිසි පරිදි සම්පුර්ණ කරන ලද ලියාපදිංචි කිරීමේ අයදුම්පත පහත සඳහන් දෑ සමඟ අංශ ප්‍රධාන (ශිෂ්‍ය ලියාපදිංචි සාමාජික) AAT ආයතනය වෙත භාරදිය යුතුය. / ලියාපදිංචි තැපෑලෙන් එවිය යුතුය.

• ඔබේ උප්පැන්න සහතිකයේ ඡායා පිටපතක්.
• ඔබේ අධ්‍යාපන සහතිකවල සහතිකකළ පිටපත් (සහතික කිරීමේ විස්තර සඳහා කරුණාකර ලියාපදිංචි කිරීමේ අයදුම්පතේ පිටුපස කොටස කියවන්න).

මුල් සහතික අධ්‍යාපන ආයතනයේ විදුහල්පති / නියෝජ්‍ය විදුහල්පති විසින් නිල මුද්‍රාව තැබිය යුතු අතර එහි විදුහල්පතිගේ / නියෝජ්‍ය විදුහල්පතිගේ නම අඩංගුවිය යුතුය.

• ලියාපදිංචි ගාස්තුව ගෙවූ ගෙවීම් තැන්පතු පතෙහි තැන්පත්කරුගේ පිටපත (මෙම ගාස්තුව NSB හෝ HNB හි ඕනෑම ශාඛාවකට ගෙවියහැක)
• ඔබේ ජාතික හැඳුනුම්පතෙහි ඡායා පිටපතක්.

මෙම ගාස්තුව NSB හෝ HNB හි ඕනෑම ශාඛාවකට ගෙවිය 

• ගමන් බලපත්‍ර ප්‍රමාණයේ වර්ණ ඡායාරූප දෙකක්(2" x 2¼"). එක් එක් ඡායාරූපයේ පිටුපස ඔබේ නම සහ ජාතික හැඳුනුම්පත් අංකය ලිවිය යුතුය.
• එක් ඡායාරූපයක් අයදුම්පතෙහි අදාළ ස්ථානයේ ඇලවිය යුතු අතර අනෙක අයදුම්පතට අමුණා එවිය යුතුය.
• තම ලිපිනය ලියා මුද්දර (රු. 15 /-) ලියුම්කවර (9" x 5") දෙකක්.

එක් එක් විභාගය සඳහා ලියාපදිංචි කිරීමේ අවසන් දිනට පෙර ඉහත සඳහන් ලේඛන AAT කාර්යාලය වෙත ලැබිය යුතුය. ලියාපදිංචි කිරීමේ ක්‍රමය කුමක් වුවත්, සිසුන් විසින් ලියාපදිංචි කිරීමේ අයදුම්පත පිරවිය යුතුය.

ලියාපදිංචිකිරීමේ අවසන් දිනයන්

ඔබට ඕනෑම වේලාවක AAT ශ්‍රී ලංකා ආයතනයේ ශිෂ්‍යයෙකු ලෙස ලියාපදිංචි වීම ස‍ඳහා අයදුම් කළ හැකිය. කෙසේ වෙතත්, AAT ජනවාරි හෝ ජූලි විභාග සඳහා ලියාපදිංචි කිරීම සම්බන්ධයෙන්, පහත සඳහන් අවසන් දිනයන් අදාළ වේ.

ජනවාරි විභාගය - ජූලි 31ට පෙර

ජූලි විභාගය - ජනවාරි 31ට පෙර

(මෙම දින ප්‍රායෝගික හේතු මත වෙනස් විය හැක.)

ශිෂ්‍ය හැඳුනුම්පත

ඔබ ලියාපදිංචිය සඳහා අයදුම් කිරීමෙන් පසු, අදාළ නිර්ණායක සම්පූර්ණ කිරීම මත ඔබේ ශිෂ්‍ය ලියාපදිංචිය අනුමත කර ඔබට ශිෂ්‍ය හැඳුනුම්පතක් නිකුත් කෙරේ. ඔබේ ශිෂ්‍ය හැඳුනුම්පත ලැබුණු පසු, කාඩ්පතෙහි ඔබට ලබාදී ඇති තැනෙහි ඔබේ සුපුරුදු අත්සන තැබිය යුතුය.

• ශිෂ්‍ය හැඳුනුම්පත නැතිවී හෝ අස්ථානගත වී ඇත්නම්, ඉල්ලීම් ලිපියක් සමඟ රු .100 / - ක ගාස්තුවක් ගෙවා අනුපිටපතක් ලබා ගත හැකිය.
• අවශ්‍ය වූ විට පැහැදිලි අත්සනක් සහ මුලකුරු වෙන වෙනම භාවිතා කළ යුතුය.
• හුදෙක් ශිෂ්‍ය ලියාපදිංචිය පමණක් AAT විභාග සඳහා පෙනී සිටීමට ප්‍රමාණවත් නැති අතර සම්පුර්ණ කරන ලද විභාග අයදුම්පත් නියමිත දිනට පෙර විභාග සඳහා අයදුම් කිරීමේ දී AAT වෙත යැවිය යුතුය.
• උප්පැන්න සහතිකයේ පරිදි අයදුම්කරුවන්ගේ නම ලියාපදිංචි කරනු ලැබේ. උපත් ලියාපදිංචි කිරීමෙහි දිස්ත්‍රික් රෙජිස්ටාර් සහතික කර තිබෙන උප්පැන්න සහතික නම් කිරීමේ ඕනෑම සංශෝධනයක් පිළි ගනු ලැබේ.