மாணவர்கள் பின்வரும் செயன்முறையை பின்பற்றுவதன் மூலம் ஒன்லைன் ஊடாக இலங்கை AAT கழகத்தில் தம்மைப் பதிவு செய்து கொள்ள முடியும்.

மாணவர் வழிகாட்டி (Student’s Guide) ஒன்றை பெற்றுக்கொள்ளல்

மாணவர் வழிகாட்டி என்பது, இலங்கை AAT நிறுவனம், AAT தகைமை, பரீட்சைக் கட்டமைப்புக்கள், பதிவு செய்வது எவ்வாறு என்பது தொடர்பான தகவல்கள், விலக்களிப்புக்கள் (Excemptions) தொடர்பான விபரங்கள் மற்றும் கல்விச் சேவை தொடர்பான விரிவான விபரங்களையும் உள்ளடக்கியிருக்கும் அனைத்துமடங்கிய ஒரு கைநூலாகும். பதிவு மற்றும் விலக்களிப்புக்கள் என்பவற்றுக்கான விண்ணப்பப் படிவங்களை கொண்டிருப்பதனால் பதிவு செய்வதற்கென கட்டாயமாக இந்த வழிகாட்டி தேவைப்படுகின்றது. ஓப்லைனில் (Offline) விண்ணப்பம் செய்யும் மாணவர்கள் இந்த வழிகாட்டியை கொள்வனவு செய்தல் வேண்டும்.

மாணவர் வழிகாட்டியை பெற்றுக்கொள்ளும் விதம்:

• இலங்கை AAT மாணவர் சேவை நிலையத்திற்கு அலுவலக நேரங்களில் (மு.ப 8.30, பி.ப 4.45), சனிக்கிழமை (மு.ப 9.00- பி.ப 4.00) வருகை தந்து ரொக்கமாக ரூ. 100.00 செலுத்துவதன் மூலம் அல்லது

• தபால் மூலம் பெற்றுக்கொள்ளல்

பின்வருவனவற்றை தபால் மூலம் இலங்கை AAT கழகத்திற்கு அனுப்பி வைத்தல் வேண்டும்

• நாராஹேன்பிட்ட அஞ்சல் அலுவலகத்தில் கொடுப்பனவை பெற்றுக்கொள்ளக்கூடிய ‘Association of Accounting Technicians of Sri Lanka’ என்ற பெயருக்கு வரையப்பட்ட ரூ. 240 பெறுமதியான காசுக் கட்டளையுடன் சுயமுகவரியிட்ட கடித உறை (12” x 10”); அத்துடன் தாம் விரும்பும் மொழி ஊடகத்தையும் குறிப்பிட வேண்டும் (ஆங்கிலம் /சிங்களம் / தமிழ்).

அல்லது

• சான்றளிக்கப்பட்ட கல்வி நிலையங்களிலிருந்து மாணவர் வழிகாட்டியை பெற்றுக்கொள்ளல் (சான்றளிக்கப்பட்ட கல்வி நிலையங்கள்: (AECs – AAT பரீட்சைகளுக்கென வகுப்புக்களை நடத்துவதற்கு அதிகாரமளிக்கப்பட்டிருக்கும் பதிவு செய்யப்பட்ட ஒரு கல்விப் பங்காளர் நிறுவனம்)
  

முறையாக பூர்த்தி செய்யப்பட்ட பதிவு விண்ணப்பப் படிவம் AAT அலுவலகத்தில் கையளிக்கப்படுதல் வேண்டும்; அல்லது பதிவுத் தபால் மூலம் பின்வரும் ஆவணங்களுடன் இணைந்த விதத்தில் ‘Head (Registration & Membership), AAT Sri Lanka முகவரிக்கு அனுப்பி வைக்கப்படுதல் வேண்டும்::

• உங்கள் பிறப்புச்சான்றிதழின் ஒரு நிழற்படப் பிரதி
• உங்கள் கல்விச் சான்றிழ்களின் அத்தாட்சிப்படுத்தப்பட்ட பிரதிகள் (அத்தாட்சிப்படுத்தல் விபரங்கள் தொடர்பாக தயவு செய்து பதிவு விண்ணப்பப் படிவத்தின் பின்பக்கத்தை வாசிக்கவும்)

அசல் சான்றிதழ்களில் கல்வி நிறுவனத்தின் அதிபரின் / பிரதி அதிபரின் இலச்சினை பொறிக்கப்பட்டிருத்தல் வேண்டும். அத்துடன் அந்த இலச்சினை அதிபரின் / பிரதி அதிபரின் பெயரையும் உள்ளடக்குதல் வேண்டும்..

• பதிவுக் கட்டணத்திற்கான பணம் செலுத்தும் உறுதிச்சீட்டின் வைப்புதாரர் பிரதி (அசல்)

இந்தக் கட்டணத்தை தேசிய சேமிப்பு வங்கி அல்லது ஹற்றன் நஷனல் வங்கி என்பவற்றின் எந்தவொரு கிளையிலும் செலுத்த முடியும் என்ற விடயத்தை தயவு செய்து கவனிக்கவும். உறுதிச்சீட்டின் நிழற்படப் பிரதிகள் ஏற்றுக்கொள்ளப்படமாட்டாது.

• இரு கடவுச்சீட்டு அளவு வண்ணப் புகைப்படங்கள் (2” x 2¼”). ஒவ்வொரு புகைப்படத்திலும் பின்பகுதியில் உங்கள் பெயர் மற்றும் தேசிய அடையாள அட்டை இலக்கம் எழுதப்பட்டிருத்தல் வேண்டும்..
• சுய முகவரிட்டு முத்திரையிடப்பட்ட (ரூ.15) இரு கடித உறைகள் (9” x 5”).
  

மேலே குறிப்பிடப்பட்ட ஆவணங்கள் ஒவ்வொரு பரீட்சைக்குமான பதிவு முடிவுத் திகதிகளுக்கு முன்னர் AAT அலுவலகத்திற்கு கிடைத்தல் வேண்டும். எந்தப் பதிவு முறை தெரிவு செய்யப்பட்டிருந்தாலும், பதிவுப் படிவம் பூர்த்தி செய்யப்பட்டு அனுப்பி வைக்கப்பட வேண்டும் என்ற விடயத்தை மாணவர்கள் கவனித்தல் வேண்டும். (விண்ணப்பம் Offline இல் மேற்கொள்ளப்பட்டால் மாணவர் வழிகாட்டியில் இணைக்கப்பட்டிருக்கும் விண்ணப்பப் படிவம் நிரப்பப்படுதல் வேண்டும்)

பதிவு முடிவுத் திகதிகள்

நீங்கள் எந்தவொரு நேரத்திலும் இலங்கை AAT கழகத்தில் ஒரு மாணவராக உங்களை பதிவு செய்து கொள்ள முடியும். எவ்வாறிருப்பினும், AAT கழகத்தின் ஜனவரி மற்றும் யூலை மாதப் பரீட்சைகள் தொடர்பான பதிவுக்கான முடிவுத் திகதிகள் வருமாறு:

ஜனவரி மாதப் பரீட்சை - யூலை 31 ஆம் திகதிக்கு முன்னர்

யூலை மாதப் பரீட்சை - ஜனவரி 31 ஆம் திகதிக்கு முன்னர்

மாணவர் அடையாள அட்டை

நீங்கள் உங்கள் பதிவு விண்ணப்பத்தை அனுப்பி, அதற்கு ஒப்புதல் வழங்கப்பட்ட பின்னர் உங்களுக்கு மாணவர் அடையாள அட்டை வழங்கப்படும். மாணவர் அடையாள அட்டை கிடைத்ததன் பின்னர் அதற்கென ஒதுக்கப்பட்டிருக்கும் இடத்தில் நீங்கள் உங்களுடைய வழமையான கையொப்பத்தை இடுதல் வேண்டும்.

• மாணவர் அடையாள அட்டை தொலைந்து போனால் அல்லது இடம்தவறி வைத்து கண்டு பிடிக்க முடியாமல் போனால் ஒரு வேண்டுகோள் கடிதத்துடன் ரூ. 100 கட்டணத்தை செலுத்துவதன் மூலம் நீங்கள் அடையாள அட்டையின் ஒரு நகலை பெற்றுக்கொள்ள முடியும்.
• தேவையான சந்தர்ப்பங்களில் நீங்கள் வெவ்வேறான ஒரு தெளிவான கையொப்பத்தையோ, முதலெழுத்துக்களையோ பயன்படுத்துதல் வேண்டும்.
• ஒரு மாணவராக தம்மை பதிவுசெய்வது மட்டும் AAT பரீட்சைகளுக்கு தோற்றுவதற்கு அவர்களுக்கு இயலுமையை வழங்கமாட்டாது என்ற விடயத்தை மாணவர்கள் கவனத்தில் கொள்ளல் வேண்டும் - உரிய திகதிக்கு முன்னர் பூர்த்தி செய்யப்பட்ட பரீட்சை விண்ணப்பப் படிவங்கள் அனுப்பி வைக்கப்படுதல் வேண்டும்.
• விண்ணப்பதாரிகள் தமது பிறப்புச்சான்றிதழில் காட்டப்பட்டிருக்கும் பெயரின் பிரகாரமே பதிவு செய்யப்படுவார்கள். அப்பெயர் தொடர்பாக மேற்கொள்ளப்படும் ஏதேனும் திருத்தம், அது பிறப்புச்சான்றிதழில் புறக்குறிப்பிடப்பட்டு, மாவட்ட பிறப்புக்கள் பதிவாளரினால் உரிய விதத்தில் அத்தாட்சிப்படுத்தப்பட்டிருந்தால் மட்டுமே ஏற்றுக் கொள்ளப்படும்